19:52

İsrail Hərbi Hava Qüvvələrinin qırıcıları Hizbullahın qərargahının yerləşdiyi Beyrutun cənub ətrafına azı 10 raket zərbəsi endirib.

Axar.az xəbər verir ki, bu barədə TASS məlumat yayıb.

Hücum azı üç dəqiqə davam edib və paytaxtın cənub-qərb rayonlarına, o cümlədən Rusiyanın Livandakı səfirliyinin yerləşdiyi məhəlləyə ziyan dəyib.

Zərbənin Beyrut Beynəlxalq Hava Limanına gedən magistral yolda yerləşən Burc əl-Barajna düşərgəsi yaxınlığındakı Hizbullah qərargahına endirildiyi ehtimal edilir.

***

İsrail mediasının məlumatına görə, Hizbullahın Beyrutdakı mərkəzi qərargahına hücumun hədəfi təşkilatın lideri Həsən Nəsrullah olub. Ancaq hücum hədəfinə çatmayıb.

“Jerusəlim Post” isə hədəfin Nəsrullah olması ilə bağlı heç bir rəsmi təsdiq olmadığını yazıb.

***

Hizbullahın Beyrutdakı hərbi qərargahına endirilən zərbələr nəticəsində 2 nəfər ölüb, 76 nəfər yaralanıb.

Bu barədə Livanın Səhiyyə Nazirliyi məlumat yayıb.

"Röyters"in məlumatına görə, hücum zamanı hədəfə alınan Hizbullah rəhbəri Həsən Nəsrullah sağdır.