İsrailə həqiqi dərs vermədən onu bağışlamayacağıq. Hatayda 6 əsgərimizin şəhid olmasında da İsrailin əli var.

Axar.az xəbər verir ki, bu sözləri Türkiyənin Humanitar Yardım Vəqfinin sədri Bülənt Yıldırım deyib.

O, ictimaiyyətdə İsrail-Türkiyə münasibətlərinin normallaşması ilə bağlı yayılan məlumatların həqiqəti əks etdirmədiyini bildirib:

"İsrail-Türkiyə münasibətləri son zamanlar gündəmin əsas mövzusudur. İsrail tərəfdarları "Türkiyə İsraillə anlaşıb" kimi xəbərlərə sevinirlər. Lakin bunu unudurlar. Bu məsələ sadəcə Türkiyə-İsrail məsələsi deyil. Bu bütün insanlıq məsələsidir. Sionizm hər tərəfi qan və gözyaşında boğub".