Ukrayna ordusunun Kupyanskdakı birinci dayaq məntəqəsi rus ordusu tərəfindən ələ keçirilib.

Axar.az xəbər verir ki, bu barədə Rusiya Teleqram kanalları məlumat yayıb.

Məlumata görə, Rusiya Silahlı Qüvvələrinin 6-cı ordusunun desant birləşmələri tankların dəstəyi ilə şəhərə daxil ola bilib.

Qeyd olunub ki, həmin ərazidə olan Ukrayna hərbçiləri koordinatsız və göstərişsiz qalıb və məhv ediliblər. Rus ordu birləşmələri şəhərdə möhkəmlənə biliblər.

Ukrayna Baş Qərargahı isə yayılan məlumatları əsassız hesab edib və şəhərin ukraynalı hərbçilərin nəzarəti altında olduğunu vurğulayıb.

“Rusların bu istiqamətdə bütün hücumları uğurla dəf edilib. Rus ordusu Kupyanska girə bilməyib. Şəhər Ukrayna Silahlı Qüvvələrinin nəzarəti altındadır”, - məlumatda qeyd olunub.