Rusiyanın Həştərxan şəhərində seriyalı qatil, erməni Vahan Safaryan saxlanılıb.

Axar.az xəbər verir ki, bu barədə “Şot” (Shot) Teleqram kanalı məlumat yayıb.

Qeyd olunur ki, həmin şəxs cinayətlərə 90-cı illərin sonu - 2000-ci illərin əvvəllərində başlayıb. Onun ən azı üç sübut edilmiş qurbanı var.

Safaryan ilk dəfə 2004-cü ildə saxlanılıb. O, qətlə görə 19 il müddətinə həbs cəzasına məhkum edilib.

2023-cü ildə o, cəza müddətinin bitməsindən bir qədər əvvəl azadlığa buraxılıb və icbari işlərə göndərilib. Lakin müstəntiqlər onun 26 il əvvəl ikiqat qətldə iştirakını sübut edib. Məlum olub ki, 1998-ci ildə Safaryan Həştərxanda mənzilə daxil olaraq, ana və qızı boğub, sonra isə 45 min rubl pulu götürüb.

Safaryan yenidən saxlanılıb və həbs edilib. O, "iki və ya daha çox şəxsi öldürmə" maddəsi ilə ittiham olunur.