HƏMAS hərəkatının yüksək rütbəli üzvləri Dohanın Qəzza danışıqlarında vasitəçiliyi dayandırdığını elan etdikdən sonra ötən həftə Qətərdən Türkiyəyə gediblər.

Axar.az xəbər verir ki, bu barədə “Tayms of İsrail” adı açıqlanmayan ərəb diplomatına istinadən məlumat yayıb.

Mənbə bildirib ki, hərəkatın bir çox lideri ailələri Türkiyədə yaşadığı üçün onsuz da vaxtlarının əhəmiyyətli hissəsini orada keçirirdi.

Qeyd edək ki, “Faynənşl Tayms” qəzeti mənbələrə istinadən yaydığı məlumatda Qətərin ABŞ-ın təzyiqi altında HƏMAS rəhbərliyindən ölkəni tərk etməsini istədiyini yazmışdı. Buna səbəb isə HƏMAS-ın atəşkəs danışıqları çərçivəsində israilli girovların azad edilməsi ilə bağlı vasitəçilərin təkliflərini dəfələrlə rədd etməsi olub.