Malta ATƏT Nazirlər Şurasının iclası üçün Rusiya Xarici İşlər Nazirliyinin rəsmi nümayəndəsi Mariya Zaxarovaya verilən vizanı ləğv edib.

Axar.az xəbər verir ki, bu barədə Rusiya XİN məlumat yayıb.

Rusiya XİN-in açıqlamasında Maltanın bu qərarından “təəccüb” ifadə edilib.

Rusiyanın xarici işlər naziri Sergey Lavrov da ATƏT-in Xarici İşlər Nazirləri Şurasının iclasında iştirak etmək üçün Maltaya səfər etməyi planlaşdırır. Bu, nazirin 2022-ci ilin fevralında Rusiya-Ukrayna müharibəsi başlayandan sonra AB ölkələrinə ilk səfəri olacaq. Lavrovun səfərinin baş tutub-tutmayacağı məlum deyil.

Qeyd edək ki, Lavrov və Mariya Zaxarovaya AB, ABŞ və Böyük Britaniya sanksiya tətbiq edib.