İsrailin Suriya ərazisinə girməsi müvəqqəti vəziyyətdir.

Axar.az xəbər verir ki, bu sözləri ABŞ Dövlət Departamentinin sözçüsü Metyu Miller brifinq zamanı deyib.

“Hər bir ölkənin terror təşkilatlarına qarşı tədbir görmək hüququ var. Suriya ordusu müzakirə mövzusu olan İsrail-Suriya bufer zonası ətrafındakı mövqelərini tərk edib. Bu da İsraili və onun vətəndaşlarını potensial olaraq təhdid edən, terror təşkilatları tərəfindən doldurula biləcək bir boşluq yaratdı”, - M.Miller deyib.

Qeyd edək ki, İsrail tankları bufer-zonanı keçib və Suriyanın cənubundakı Qatana qəsəbəsi yaxınlığına yerləşib. Baş nazir Netanyahu isə İsrailin Qolan təpələrində “əbədi olaraq” qalacağını bildirib.