Böyük Britaniya Gürcüstanın daxili işlər naziri Vaxtanq Qomelauriyə sanksiya tətbiq edib.

Axar.az xəbər verir ki, bu barədə Britaniya hökumətinin saytında məlumat dərc edilib.

Buna səbəb AB-yə üzvlük danışıqlarının dayandırılmasının bəyan edilməsindən sonra keçirilən etirazlar zamanı Gürcüstan Daxili İşlər Nazirliyinin polis qüvvələrinin etirazçılara qarşı qeyri-proporsional güc tətbiq etməsidir.

Sanksiya siyahısına Qomelaurinin müavini Aleksandre Daraxvelidze, DİN-in xüsusi tapşırıqlar departamentinin direktoru Zviad Xarazişvili (xüsusi təyinatlı polis dəstələrinin rəisi) və Tiflis polis departamentinin direktoru Sulxan Tamazaşvili də daxil edilib.

Sanksiyalara aktivlərin dondurulması və səyahət qadağaları daxildir.