11:10

Ukrayna PUA-larla Kazan şəhərindəki 3 hündürmərtəbəli binaya hücum edib.

Axar.az xəbər verir ki, hücümlar 50 dəqiqəlik intervalla törədilib. Hadisədən dərhal sonra hər üç tikilidə yanğın başlayıb.

“Baza” Teleqram kanalı isə yazıb ki, şəhərin müxtəlif ərazilərinə PUA-larla hücumlar törədilib.

Hadisənin təfərrüatı hələlik açıqlanmır.

Məlumatda bildirilib ki, Tatarıstanın rəisi Rüstəm Minnixanov və digər məsul şəxslər hadisə yerinə gəlib.

***

Ukrayna PUA-larının Tatarıstan paytaxtındakı üç yaşayış binasına hücumundan sonra ərazidə Operativ Qərargah yaradılıb.

Hadisədən dərhal sonra əhalinin hücumların baş verdiyi yaşayış kompeksindən təxliyəsinə başlanılıb.

Yerli hakimiyyət sakinlərin qida və isti geyimlə təmin olunacağını bildirib.

***

Kazan şəhərinə hücum ümumilikdə 8 pilotsuz uçuş aparatı (PUA) ilə törədilib.

Bu barədə “Baza” Teleqram kanalı məlumat yayıb.

Bildirilib ki, hücum zamanı Kamaleyev prospekti, Klara Setkin, “Yukozinskaya”, Hadi Taktaş, “Krasnaya Pozisiya” və “Orenburqski trakt” küçələrindəki binalar hədəfə alınıb.

***

Tatarıstan rəhbəri Rüstəm Minnixanovun mətbuat xidmətinin verdiyi məlumata görə, Kazana səkkiz PUA hücum edib:

“Hazırda Tatarıstan Respublikası Baş Qərargahından Rüstəm Minnixanova daxil olan əməliyyat məlumatlarına görə, şəhərə 8 PUA-nın hücumu qeydə alınıb - 1-i sənaye müəssisəsində, 1-i çayın üzərində, 6-sı yaşayış massivində. Bu dəqiqəyə olan məlumata görə, ölən və yaralanan yoxdur. Sənaye müəssisələrindəki işçilər evakuasiya edilib və sığınacaqlardadır”.