16:55

ABŞ-ın Yeni Orlean şəhərində naməlum şəxs avtomobilini izdihamın üzərinə sürüb.

Axar.az xəbər verir ki, bu barədə “ABC Nyus” məlumat yayıb.

Məlumata görə, hadisə nəticəsində azı 10 nəfər ölüb, 30 nəfər yaralanıb.

Sürücünün avtomobili qəsdən insanların üzərinə sürdüyü bildirilir.

***

ABŞ-ın Nyu Orlean şəhərində avtomobili izdihamın üzərinə sürən sürücü polis tərəfindən güllələnib.

“Sürücü avtomobilini izdihamın üzərinə sürüb, daha sonra maşından düşərək ətrafdakılara atəş açıb. Hadisə yerinə gələn polis cavab atəşilə onu öldürüb”, - məlumatda vurğulanıb.

***

Yeni il gecəsi şəhərin mərkəzində avtomobilin piyadaların üzərinə sürülməsi nəticəsində yaralananların sayı 35-ə yüksəlib.

Bu barədə Yeni Orlean polisi məlumat yayıb.