Ermənistan modul tipli atom elektrik stansiyasının tikintisi ilə bağlı müxtəlif təklifləri müzakirə edir. Onların arasında Rusiya, ABŞ və digər ölkələrdən təkliflər var.

Axar.az xəbər verir ki, bunu Ermənistanın ərazi idarəetmə və infrastruktur naziri David Xudatyan deyib.

Onun sözlərinə görə, hazırda nazirliyin tabeliyində olan yeni qurum yaradılır:

“O, atom elektrik stansiyasının yekun layihəsinin müəyyənləşdirilməsinə, ərizələrin düzgün araşdırılmasına, tikinti işlərinə nəzarətə və texniki şərtlərin hazırlanmasına cavabdeh olacaq.

Təkliflər içərisində hansı modelin erməni tərəfi üçün daha sərfəli olduğu barədə təxmini fikirlər var”.