ABŞ-ın "Hyperloop One" şirkəti sərnişinlərin və yüklərin vakuum borusunda daşınması texnologiyasının ilk sınağını keçirib.

Lent.az-ın xəbər verib ki, sınaq Nevada ştatındakı səhrada baş tutub. Vakuum borusunda hərəkət edən kapsulun sürəti saatda 160 km-ə çatıb. Layihənin müəllifləri kapsulun təyyarə sürətini ötə biləcəyini bildirirlər. İçərisinə insanların və ya yüklərin yerləşdirildiyi kapsul böyük sürətlə boruya itələnir. Bundan sonra hərəkət hava axınları və kapsulu yönləndirən xüsusi maqnitlər hesabına davam edir.

"Hyperloop" (Hiperilgək) ideyası "Space X" və "Tesla Motors"un yaradıcısı İlon Maska (Elon Musk) məxsusdur. O bildirib ki, vakuum borusu vasitəsilə 6 milyard dollara San Fransiskodan Los Ancelesə nəqliyyat yolu qurmaq mümkündür. Bu isə eyni məsafəyə sürət qatarları üçün dəmir yolu layihəsinə tələb olunan xərcdən 10 dəfə azdır.