ABŞ Prezidenti Donald Tramp xanımı Melaniya Trampla birlikdə yanvarın 21-də Vaşinqton Milli Kafedralında təşkil olunan dinlərarası dua mərasimində iştirak edib.

Axar.az Bizim.Media-ya istinadən xəbər verir ki, mərasimdə ABŞ-da yaşayan xalqların ibadət etdiyi müxtəlif dinlər üzrə dualar oxunub.

Müsəlman din xadimlərindən birinin azan oxuması zamanı Donald Tramp və Maleniyanın hərəkəti diqqət çəkib. Belə ki, onlar kafedralda söhbət edərkən azan oxunmağa başlayıb və bu zaman hər ikisi müzakirəni dayandırıblar. Azan bitənə kimi Tramp və xanımı sakit şəkildə dinləyiblər. Yeni prezidentin bu addımı sosial şəbəkələrdə maraqla qarşılanıb və təqdir edilib.

Yanvarın 20-də keçirilən andiçmə mərasimində müxtəlif din xadimlərinin dualar etməsinə baxmayaraq, islam dinindən bir nümayəndənin yer almaması müzakirərə səbəb olmuşdu. Bu, yeni hökumətin islamofob addımı kimi qələmə verilirdi. Lakin Vaşinqton Milli Kafedralında azan səslənməsi və Trampın buna hörmətlə yanaşması dünya ictimaiyyətində “yanlış addımın düzəldilməsi” kimi qiymətləndirildi.

Həmin görüntüləri təqdim edirik: