Krasnodar diyarında FTX Rusiya təyyarə komandirini Ukrayna qüvvələrini maliyyələşdirmək üçün pul köçürdüyünə görə vətənə xəyanətdə şübhəli bilərək saxlayıb.

Axar.az xəbər verir ki, bu barədə Rusiya Federal Təhlükəsizlik Xidmətinin regional idarəsi məlumat yayıb.

“Rusiyanın Krasnodar diyarı üzrə Federal Təhlükəsizlik Xidməti dövlətə xəyanətdə şübhəli bilinən 1968-ci il təvəllüdlü Rusiya vətəndaşını Krasnodar şəhərində saxlayıb. Müəyyən edilib ki, təyyarə komandiri olan saxlanılan şəxs Ukrayna qüvvələrini maliyyələşdirmək üçün vəsait toplayan könüllü ilə fəal əlaqə saxlayıb. Zəruri göstərişləri aldıqdan sonra cavabdeh elektron pul və kriptovalyutaların mübadiləsi üçün onlayn xidmət vasitəsilə göstərilən bank hesabına pul köçürməsini həyata keçirib”, - məlumatda deyilir.