Yanvarın 21-də Qartalqaya dağ-xizək kurortunda baş verən dəhşətli yanğınla bağlı aparılan araşdırma çərçivəsində Bolu Bələdiyyə sədrinin müavini Sədat Gülənər, xilasetmə müdirinin müavini Kənan Coşqun və yanğınsöndürən İrfan Acar həbs edilib.

Axar.az xəbər verir ki, bu barədə Türkiyə mediası məlumat yayıb.

Bildirilib ki, Jandarma Komandanlığında aparılan əməliyyatların ardından Gülənər, Coşqun, Acar və otelin daxili dizayneri A.B. istintaqa cəlb edilib. İnteryer dizayneri A.B. dindirildikdən sonra sərbəst buraxılıb, Gülənər, Coşqun və Acar isə həbs edilib.

Bununla da istintaq çərçivəsində həbs edilənlərin sayı 18-ə yüksəlib.

Qeyd edək ki, dəhşətli yanğın nəticəsində 78 nəfər ölüb.