Ukrayna ilə bağlı vasitəçilik etmək istəyənlər hər iki ölkəyə qarşı bərabər məsafədə olmalıdır.

Axar.az xəbər verir ki, bunu yanvarın 27-də Rusiya xarici işlər nazirinin müavini Mixail Qaluzin Türkiyənin Moskvadakı səfiri Tanju Bilgiç ilə görüşündə deyib.

Görüşdə Ukrayna ətrafında vəziyyət ətraflı müzakirə olunub.

Səfirə bildirilib ki, Ukrayna böhranının həllində vasitəçi olmaq istəyən ölkələr bərabər məsafə prinsipinə əməl etməli, münaqişə tərəflərindən biri ilə birləşməməlidir.

Bundan əlavə, Qaluzin Rusiyanın real sülh təşəbbüslərinə və əməkdaşlıq təkliflərinə açıq olduğunu vurğulayıb.

Qaluzinlə Bilgic Cənubi Qazfqazdakı prosesləri də müzakirə edib.

Qeyd edək ki, yanvarın 18-də Türkiyənin xarici işlər naziri Hakan Fidan bildirib ki, müvafiq şərtlər yaranarsa, Ankara Ukrayna böhranının həllində vasitəçi kimi çıxış etməyə hazırdır.