Türkiyə Böyük Millət Məclisi (TBMM) Qartalqaya dağ-xizək kurortundakı oteldə baş vermiş yanğının səbəblərini araşdırmaq üçün xüsusi komissiya yaradılması barədə qərar verib.

Axar.az xəbər verir ki, bu barədə "TRT Haber" məlumat yayıb.

Komissiya yanğının necə baş verdiyini, təhlükəsizlik tədbirlərinin nə dərəcədə yerinə yetirildiyini və gələcəkdə belə faciələrin qarşısını almaq üçün hansı tədbirlərin görülməsi lazım olduğunu araşdıracaq.

Komissiya 22 deputatdan ibarətdir və üç ay ərzində hadisənin nəticələri ilə bağlı yekun hesabat təqdim etməlidir.

Xatırladaq ki, 21 yanvarda baş verən yanğın nəticəsində 78 nəfər ölüb, 50-yə yaxın şəxs xəsarət alıb.