09:26

ABŞ-ın Pensilvaniya ştatının Filadelfiya şəhərində təyyarə yaşayış binalarının yanında qəzaya uğrayıb.

Axar.az xəbər verir ki, məlumatı “Foks Nyus” yayıb.

Bildirilib ki, təyyarənin göyərtəsində 6 nəfər olub:

“Hava limanından yenicə qalxan təyyarədə 6 nəfər olub. İki pilot, iki həkim, bir xəstə və bir ailə üzvü”.

Təyyarədə olan şəxslərin taleyi barədə məlumat verilməyib.

***

Filadelfiya şəhərində təyyarənin qəzaya uğraması və yaşayış evlərində yanğınlar nəticəsində 7 nəfər həlak olub.

Bu barədə şəhərin meri Şerelle Parker X hesabında məlumat verib.

Onun sözlərinə görə, daha 19 nəfər xəstəxanaya yerləşdirilib. Səlahiyyətlilər fəlakətin səbəblərini müəyyən etməyin vaxt aparacağını vurğulayırlar.