Rusiya ABŞ-da yeni səfir vəzifəsinə namizədlə bağlı qərar verib.

Axar.az xəbər verir ki, bu sözləri Rusiya Xarici İşlər Nazirliyinin sözçüsü Mariya Zaxarova yerli mediaya deyib.

Zaxarovanın sözlərinə görə, namizəd dəqiqləşsə də, onun üçün hələ aqreman alınmayıb.

“Kommersant” qəzeti mənbələrə istinadən yazıb ki, bu vəzifəyə ən çox ehtimal olunan namizəd Xarici İşlər Nazirliyinin Şimali Amerika Departamentinin direktoru, Kanadadakı keçmiş səfir Aleksandr Darçiyevdir.

Qeyd edək ki, Rusiyanın ABŞ-dakı əvvəlki səfiri Anatoli Antonov missiyasının başa çatması ilə əlaqədar ötən ilin oktyabrında vəzifəsini tərk edib.