Altı aydır ki, Rostov vilayətinin Azov şəhərində böyük iş adamları tərəfindən alınmış hava hücumundan müdafiə sistemi fəaliyyət göstərir.

Axar.az xəbər verir ki, bu barədə ictimai fəal İqor Simakov məlumat verib.

“Bu sistem on milyonlarla rubla başa gəlib. Bu müddət ərzində şəhər ən azı iki hücumdan xilas edilib. Bu, büdcəyə və sahibkarlara yüz milyonlarla rubla qənaət etməyə imkan verib. Belə ki, 2024-cü ilin yayında hücum zamanı iki şirkətin üç sisterni məhv edilmişdi, dəymiş zərər isə 811 milyon rubl idi. Yəni indiki xərclər ötənilki zərərdən dəfələrlə azdır. Sahibkarlar ümid edir ki, hakimiyyət onların sərmayələrini kompensasiya edəcək”, - Simakov bildirib.