Moskva Ukrayna ilə bərabərhüquqlu münasibətlər qurmağa çalışırdı, amma o, ABŞ-ın nökərinə çevrildi.

Axar.az xəbər verir ki, bunu Kremlin mətbuat katibi Dmitri Peskov rusiyalı jurnalist Pavel Zarubinə açıqlamasında deyib.

“2010-cu ildə Ukrayna və Rusiya arasında “Xarkov sazişi”nin imzalanması iki ölkə arasında dostluq münasibətləri fonunda baş vermişdi. O zaman Ukrayna ilə qaza endirim müqabilində 2042-ci ilə qədər Qara dəniz donanmasının Sevastopolda qalması haqqında müqavilə imzalanmışdı. O sazişdə Rusiya ilə Ukrayna arasında “qardaşlıq, müttəfiqlik münasibətləri” haqqında danışılırdı, lakin indi Ukrayna ABŞ-ın nökəri olub. Biz indi ağa-nökər münasibətindən danışırıq”, - Peskov bildirib.