Avropa Ukraynaya hərbi kontingentin göndərilməsi məsələsində konsensusa gələ bilməyəcək.

Axar.az xəbər verir ki, bunu rusiyalı politoloq, amerikaşünas Konstantin Bloxin deyib.

“Əvvəlcə Avropa Ukrayna və Rusiyaya görə ikiyə bölünmüşdü: münaqişənin elə ilk mərhələsində avropalılar Ukraynaya ümumiyyətlə kömək etmək istəmirdilər və hər şeyin bitdiyinə inanırdılar. Rusiyaya qarşı “Səlib yürüşü”ndə möhkəmlənmənin moderatorlarından biri də Böyük Britaniya, eləcə də ABŞ idi. Bu gün ABŞ simasını saxlamaqla bu münaqişədən çıxmağa çalışır. Bununla belə, rusofobiya aradan qalxmayıb və Böyük Britaniya moderator statusunu saxlamaq istəyir”, - Bloxin bildirib.