Ukrayna Prezidenti Vladimir Zelenski ötən gün Səudiyyə Ərəbistanının paytaxtı Ər-Riyadda keçirilmiş ABŞ-Rusiya danışıqlarına münasibət bildirib.

Axar.az xəbər verir ki, "CNN Türk"ün suallarını cavablandıran Zelenski danışıqların vaxtının onun Səudiyyə Ərəbistanına səfərinə təsadüf etdiyini vurğulayıb.

“Mən istəmirəm ki, bu bir oyun təsiri bağışlasın. Bu, oyun deyil. Ukrayna üçün etimadın itirilməsini istəmirik. Çünki çox sayda təsadüf var. Bizi çağırmayıblar”, - Ukrayna prezidenti qeyd edib.

Zelenski şəffaf və ədalətli bir görüş istədiyini qeyd edib:

“Ukraynalılar özlərini aldadılmış hiss edirlər. Mən xalqımın hissləri ilə oynanılmasını istəmirəm”.

Qeyd edək ki, Zelenski 19 fevralda Ərəbistana səfərini məhz bu səbəbdən təxirə salıb və 10 martda səfər edəcəyini bildirib.