İspaniya Ukraynaya 1 milyard avro dəyərində yeni yardım paketi təqdim edəcək.

Axar.az xəbər verir ki, bu barədə ölkənin Baş naziri Pedro Sançes məlumat yayıb.

“Ukrayna ədalətli və davamlı sülhə nail olmalıdır. Mən indicə Kiyevdə elan etdim ki, İspaniya Ukrayna xalqına 1 milyard avro dəyərində yeni hərbi yardım paketi göndərəcək”, - Sançes X hesabında qeyd edib.

Qeyd edək ki, Kanada, Estoniya və İspaniya baş nazirləri Castin Trüdo, Kristian Mixal və Pedro Sançes, Litva və Latviya prezidentləri Gitanas Nauseda və Edqars Rinkeviç, həmçinin Avropa Komissiyasının sədri Ursula fon der Leyen və Avropa Şurasının nümayəndəsi Antonio Kosta Kiyevdə səfərdədirlər.