Rusiyalı güləşçi, üçqat olimpiya çempionu Buvaysar Saytiyev 50 yaşında ölüb.

Axar.az xəbər verir ki, bu barədə Rusiya Güləş Federasiyasının prezidenti Mixail Mamiaşvili məlumat yayıb.

“On dəqiqə əvvəl mənə zəng etdilər və belə bir xəbər çatdırdılar. Qəbul etmək çətindir. Biz sabah birlikdə uçmalı idik”, – deyə o bildirib.

“Maş”ın məlumatına görə, güləşçi təxminən saat 14 radələrində Moskva xəstəxanalarından birində tiryək zəhərlənməsi ilə evdən xəstəxanaya yerləşdirilib. İlkin məlumata görə, güləşçi ağciyər xəstəliyindən əziyyət çəkirmiş. Ağrıları aradan qaldırmaq üçün tərkibində opiatlar olan dərmanlardan istifadə edib. Ölümün intoksikasiya nəticəsində ürək dayanması səbəbindən baş verdiyi ehtimal edilir.

Saytiyev 1996, 2004 və 2008-ci illərdə sərbəst güləş üzrə Olimpiya Oyunlarının qalibi olub. Martın 11-də onun 50 yaşı tamam olacaqdı.