Avropa Birliyi özünü Rusiyanın düşməni kimi göstərir. Ona görə də Avropa Birliyinin yenidən silahlanması və ya militarizasiyası Moskvanı narahat etməyə bilməz.

Axar.az xəbər verir ki, bu sözləri Kremlin mətbuat katibi Dmitri Peskov deyib.

“Biz görürük ki, AB hazırda özünün müdafiə sistemlərinin hərbiləşdirilməsi və inkişaf etdirilməsi perspektivlərini kifayət qədər fəal şəkildə müzakirə edir. Bu, bizim yaxından izlədiyimiz bir prosesdir, çünki AB Rusiyanı özünün əsas rəqibi hesab edir", - o bildirib.

Qeyd edək ki, AB liderləri Brüsseldə keçirilən sammitdə Avropanın hərbiləşdirilməsi ilə bağlı 800 milyard avroluq planı qəbul ediblər.