Kursk vilayətində guya Ukrayna bölmələrinin düşmən tərəfindən mühasirəyə alınması ilə bağlı xəbərlər reallığa uyğun gəlmir və siyasi məqsədlər və Ukraynaya və onun tərəfdaşlarına təzyiq göstərmək üçün uydurulub.

Axar.az xəbər verir ki, bu barədə Ukrayna Silahlı Qüvvələrinin Baş Qərargahının yaydığı məlumatda bildirilib.

"Son 24 saat ərzində vəziyyət ciddi şəkildə dəyişməyib. Kursk qüvvələri qrupunun əməliyyat zonasında döyüş əməliyyatları davam edir", - məlumatda deyilib.

Vurğulanıb ki, Ukrayna Müdafiə Qüvvələrinin bölmələri yenidən qruplaşdırılıb, daha əlverişli müdafiə mövqelərinə çəkilib və Kursk vilayətində müəyyən tapşırıqları yerinə yetirirlər.

Qeyd edək ki, bundan öncə Tramp Putinlə danışdığını və ondan Kurskda tam mühasirəyə düşən ukraynalılara aman verməyi xahiş etdiyini yazmışdı.