Kursk vilayətində silahı yerə qoyan ukraynalı döyüşçülərə həyat və layiqli rəftar təmin ediləcək.

Axar.az xəbər verir ki, bu sözləri ABŞ Prezidenti Donald Trampın çağırışına cavab verən Rusiya Prezidenti Vladimir Putin Təhlükəsizlik Şurasının iclasında deyib.

“Əgər onlar silahlarını yerə qoyub təslim olsalar, beynəlxalq hüquqa və Rusiya Federasiyasının qanunlarına uyğun həyat və layiqli rəftarla təmin olunacaqlar”, - Putin bildirib.

Qeyd edək ki, Tramp budan öncə Putinə Kurskda mühasirəyə düşən ukraynalı əsgərlərə aman verilməsini xahiş etdiyini bildirmişdi. Ağ Ev isə Trampın Putinlə birbaşa danışmadığını, xüsusi nümayəndəsi Uitkoffun Moskvada Rusiya lideri ilə görüşdüyünü açıqladı.