12:15

Şimali Makedoniyanın Koçani şəhərindəki "Puls" adlı diskotekada yanğın baş verib.

Axar.az xəbər verir ki, bu barədə MİA agentliyi məlumat yayıb.

Məlumata görə, yerli vaxtla saat 03:00 (Bakı vaxtı ilə 6:00) radələrində baş verən yanğının səbəbi pirotexniki vasitələrin istifadəsi olub.

1500 nəfərin olduğu diskotekada baş verən yanğın nəticəsində 50 nəfərin öldüyü bildirilir.

Onlarla yaralı ölkənin müxtəlif şəhərlərindəki xəstəxanalara yerləşdirilib.

***

Şimali Makedoniyanın Koçani şəhərində baş verən yanğın nəticəsidə ölənlərin sayı 59-a çatıb.

Bu barədə ölkənin daxili işlər naziri Pançe Toşkovski məlumat verib.

Onun sözlərinə görə, yanğın nəticəsində 155 nəfər yaralanıb.