Rusiya Prezidenti Vladimir Putinlə ABŞ lideri Donald Trampın söhbəti zamanı Kiyevə silah tədarükünün dayandırılmasının zəruriliyi mövzusu qaldırılıb.

Axar.az xəbər verir ki, bunu Kremlin sözçüsü Dmitri Peskov deyib.

“Putin və Tramp Ukraynada sülhməramlı qüvvələrin yerləşdirilməsi məsələsini müzakirə etməyib. Rusiya və ABŞ martın 19-u və 20-də növbəti təmasların dəqiq tarixlərini və danışıqlar aparanların tərkibini razılaşdıracaq. Putinlə Tramp xüsusilə enerji infrastrukturu obyektlərini hədəf alan 30 günlük atəşkəs haqqında razılığa gəlib”, - o bildirib.

Peskov qeyd edib ki, Kreml Ukrayna ordusunun Kubandakı enerji obyektlərinə hücumunu razılaşmaların təxribatı kimi qiymətləndirir:

“Putin Kiyevin təxribatından sonra Ukraynanın enerji infrastrukturuna atəşi dayandırmaq əmrini ləğv etməyib. O, ABŞ lideri ilə təmaslarda maraqlıdır, Moskva Trampın tərəfində qarşılıqlı münasibət görür. Putinlə Trampın söhbəti zamanı Ukraynada hakimiyyətin seçki yolu ilə dəyişdirilməsinə dair heç bir müzakirə aparılmayıb”.