10:21

Londondakı Hitrou hava limanı yaxınlığında yerləşən elektrik yarımstansiyasında güclü yanğın baş verib. Nəticədə hava limanı müvəqqəti bağlanıb.

Axar.az xəbər verir ki, bu barədə hava limanının mətbuat xidməti sosial şəbəkədə məlumat yayıb.

İlkin məlumata görə, Hitrou hava limanı yerli vaxtla 21 mart 23:59-dək fəaliyyət göstərməyəcək.

Sərnişinlərə rəsmi elan verilmədən hava limanına yollanmamaq tövsiyə olunub.

“Skay Nyus”un məlumatına görə, yanğın hava limanından 2,4 km məsafədə baş verib. Hadisə nəticəsində bir neçə min bina işıqsız qalıb.

***

Uçuş izləmə saytı “FlightRadar 24”-ə görə, ən azı 1350 reys təxirə salınıb.