Böyük Britaniya, Polşa və Şimali Avropa ölkələrinin hakimiyyət orqanları müdafiə ehtiyaclarını maliyyələşdirmək üçün birgə fondun yaradılmasını müzakirə edir.

Axar.az xəbər verir ki, bu barədə “Politiko” nəşrinə iki avropalı diplomat bildirib.

“Əsas ideya daha ucuz qiymətə silahların birgə alınması, eləcə də müdafiə ehtiyacları üçün sərfəli kreditlər imkanlarının yaradılmasıdır. Britaniya ötən həftə İsveç, Finlandiya, Danimarka, Niderland və Polşanın maliyyə orqanlarının nümayəndələri ilə bu ideyanı müzakirə edib”, - mənbə bildirib.

Tərəflərin müzakirələri gələn həftə Varşavada AB maliyyə nazirlərinin görüşü zamanı davam etdirəcəyi gözlənilir.