O zamanlar Uqandada Məhmət Əmin adlı Osmanlı paşası qul ticarətinə qarşı mübarizə aparırdı.

Axar.az xəbər verir ki, bu sözləri Uqandada səfərdə olan Türkiyə Prezidenti Rəcəb Tayyib Ərdoğan deyib.

"XIX əsrdə Uqandada Məhmət Əmin adlı Osmanlı paşası quldarlığa qarşı mübarizə aparırdı. Əsl peşəsi həkimlik olan Məhmət Əmin Paşa eyni zamanda təbiətşünaslıq elmi ilə də maraqlanırdı. Yeni bitki növləri yaradaraq elmə böyük töhfələr vermişdi. 1892-ci ildə Konqoda insan ticarəti ilə məşğul olan bir tayfa tərəfindən qətlə yetirilmişdi. Türkiyə-Uqanda əlaqələrində önəmli rolu olan və bizə belə bir miras qoyan Əmin Paşanı rəhmətlə anırıq. 124 il sonra onun izi ilə gedərək istiqlal mübarizəsini dəstəklədiyimiz üçün buradayıq", - Ərdoğan bildirib.

Qeyd edək ki, Ərdoğanın haqqında danışdığı Məhmət Əmin Paşa alman əsilli Edvard Şnitzer adlı şəxs olub.