Soçidən İrəvana uçmalı olan təyyarə ötən gündən bir neçə dəfə təxirə salınıb.

Axar.az xəbər verir ki, “Red Wings Airlines” aviaşirkətinin Soçi-İrəvan reysi aprel 16:20-də olmalı imiş. Ancaq sərnişinlərə duman səbəbindən təyyarənin gecikəcəyi bildirilib.

Sərnişinlər 8 saatdan sonra otelə göndərilsə də, 2 saat keçməmiş yenidən aeroporta gətirilib. Amma uçuş yenə da baş tutmayıb. Şirkət rəhbərliyi isə qaydalara uyğun olaraq, yalnız 8 saat gözlədikdən sonra onları otelə göndərə biləcəklərini vurğulayıblar. Buna görə də sərnişinlərdən bəziləri öz hesablarına otelə yerləşib. Otellər dolu olduğu üçün sərnişinlərin böyük əksəriyyəti hava limanında gözləməyə, hətta döşəmədə uzanmağa məcbur olub.

Nəhayət, 24 saat gecikmədən sonra təyyarə havaya qalxa bilib.