Vaşinqton Tehrana qarşı güc tətbiqi ehtimalından imtina etməlidir.

Axar.az xəbər verir ki, bu barədə İran xarici işlər naziri Abbas Arakçı “Vaşinqton Post” saytında dərc olunan məqaləsində bildirib.

O, aprelin 12-də Omanda Tehran və Vaşinqton arasında "birbaşa olmayan" danışıqları şərh edərkən qeyd edib ki, İran tərəfi sazişin bağlanması üçün ciddi qarşılıqlı fəaliyyətə hazırdır.

Eyni zamanda, Arakçı vurğulayıb ki, ABŞ və İran arasında dolayı qarşılıqlı fəaliyyət formatı əhəmiyyətli inamsızlıq və niyyətlərin səmimiliyinə şübhə ilə izah olunur ki, bu da ABŞ-ın İrana maksimum təzyiq siyasətini bərpa etməsi ilə əlaqədar olaraq daha da güclənib.

Arakçı vurğulayıb ki, Tehran nüvə proqramı ilə bağlı mümkün narahatlıqları aradan qaldırmaq üçün lazımi tədbirlər görməyə hazırdır.