İsrail Baş naziri Benyamin Netanyahu uzun müddətdir ki, ABŞ Prezidenti Donald Trampın İrana qarşı müharibəyə başlamasına çalışır.

Axar.az xəbər verir ki, bunu rusiyalı senator Aleksey Puşkov özünün Teleqram kanalında yazıb.

“İran ətrafında gərginlik həqiqətən də artır. Netanyahu uzun müddətdir ki, ABŞ-ın İranın nüvə silahı yaratmaq qabiliyyətini məhv etmək üçün müharibəyə başlamasını istəyir. Hiss olunur ki, o, indi məqsədinə həmişəkindən daha yaxındır”, - Puşkov bildirib.

Onun sözlərinə görə, son 30 ildə ABŞ-ın hər bir prezidentinin öz müharibəsi olub:

“Klintonun Yuqoslaviyaya qarşı, kiçik Buşun İraq və Əfqanıstana, Obamanın Liviyaya və Suriyaya, Baydenin isə Ukraynada Rusiyaya qarşı müharibəsi var idi. İndiyədək Tramp öz müharibəsini başlatmayan yeganə ABŞ prezidenti olub. Tramp İrana qarşı öz müharibəsinə başlayacaqmı?”