Almaniya Türkiyə qədər müstəqil deyil. Əgər niyyətləri Türkiyəyə zərbə vurmaqdırsa, bu məntiqlə heç bir nəticə əldə etmək olmaz.

Axar.az xəbər verir ki, bu sözlər Türkiyə Yazıçılar Birliyinin yaydığı bəyanatda yer alıb.

Birlik Almaniya Bundestaqının "soyqırım" qərarını tənqid edib:

"Tarix siyasətçilərin və parlamentin işi deyil. Almaniya dünyanın ən güclü ölkələrindən biridir. Hər kəs Almaniyanın tam şəkildə ABŞ-ın nəzarətindən çıxa bilmədiyini düşünür. Yəni Almaniya Türkiyə qədər müstəqil deyil. Əgər niyyətləri Türkiyəyə zərbə vurmaqdırsa, bu məntiqlə heç bir nəticə əldə etmək olmaz. Türk xalqı almanların Türkiyəyə niyə kin bəslədiyini hələ də anlamır. Avropa ölkələri arasında bizə ən yaxın olan xalq almanlar idi".

Qeyd edək ki, iyunun 2-də Almaniya Bundestaqı 1915-ci il hadisələrini "erməni soyqırımı" kimi tanıyıb.