Rusiya Təhlükəsizlik Şurası sədrinin müavini Dmitri Medvedyev Ukrayna Prezidenti Vladimir Zelenskinin 9 May – Qələbə Günü ilə bağlı səsləndirdiyi fikirləri sərt şəkildə tənqid edib. O, Zelenskinin Moskvaya mümkün zərbələr barədə verdiyi üstüörtülü bəyanatlarını təxribat adlandırıb.

Axar.az xəbər verir ki, bu barədə D.Medvedyev Teleqram kanalında yazıb.

“Zelenski Rusiya Prezidenti Vladimir Putinin 9 May üçün təklif etdiyi üçgünlük atəşkəsi rədd etdiyini bildirib”, - Medvedyev əlavə edib.

O, Zelenskinin Moskvada dünya liderlərinin təhlükəsizliyinə zəmanət verilməməsi ilə bağlı açıqlamalarını isə sözlü təxribat kimi qiymətləndirib.

“Zelenski başa düşür ki, əgər 9 Mayda real bir təxribat baş verərsə, heç kim Kiyevdə 10 mayın gələcəyinə zəmanət verə bilməz”, - Medvedyev vurğulayıb.