Krımın anneksiya olunacağı ilə bağlı 2008-ci ildə Kremlin məşhur ideoloqu, rusiyalı aparıcı Vladimir Solovyov xəbərdarlıq edib.

Axar.az xəbər verir ki, 8 il öncə NTV televiziyasında hazırlanan proqramın görüntüləri yenidən sosial şəbəkələrdə aktuallaşıb. 2008-ci ildə hazırlanan proqramda aparıcı olan Solovyov öz verlişinə qonaq kimi rusiyalı deputat Konstantin Zatulini və Ukraynanın keçmiş müdafiə naziri Anatoli Qriçenkonu çağırır. Solovyov və Zatulinin Ukraynaya qarşı sərt ittihamlarına Qriçenko cavab verməyə çalışsa da, aparıcı buna şərait yaratmır. Daha sonra Solovyov Qriçenkoya Moskvanın tezliklə Krımı tutacağını deyir:

"Rusiya pulları Ukraynaya daxil olub. İnanın mənə, tezliklə bu, sizin xoşunuza gəlməyəcək. Biz Krım və Şərqi Ukrayna ilə məşğul olacağımız günə qədər rahat nəfəs alın".

Qeyd edək ki, Krım 2014-cü ilin martında Rusiya tərəfindən anneksiya edilib.