09:27

İstanbulda Rusiya-Ukrayna danışıqlarının vaxtı günün ikinci yarısına keçirilib.

Axar.az xəbər verir ki, bunu Rusiya Xarici İşlər Nazirliyinin rəsmisi Mariya Zaxarova deyib.

Onun sözlərinə görə, bu, Türkiyə tərəfinin təşəbbüsü ilə olub.

Qeyd edək ki, İstanbulda Rusiya və Ukrayna nümayəndə heyətləri arasında görüşün Bakı vaxtı ilə 11:00-da başlayacağı bildirilmişdi.

***

İstanbulda Rusiya və Ukrayna nümayəndə heyətlərinin görüşü başlayıb.

Bu barədə “TRT Haber” məlumat yayıb.

Görüş Dolmabaxça sarayında keçirilir.

Ukrayna tərəfini xarici işlər naziri Andrey Sibiqa, müdafiə naziri Rüstəm Umerov, Prezident Ofisinin rəhbəri Andrey Yermak və onun iki müavini, Rusiya tərəfini isə Rusiya Prezidentinin köməkçisi Vladimir Medinski, xarici işlər nazirinin müavini Mixail Qaluzin, Rusiya Silahlı Qüvvələri Baş Qərargahının Baş İdarəsinin rəisi İqor Kostyukov və müdafiə nazirinin müavini Aleksandr Fomin təmsil edirlər.

***

İstanbulda Rusiya və Ukrayna arasında danışıqlar başlamayıb və nə vaxt başlayacağı ilə bağlı hazırda heç bir anlaşma yoxdur. Kiyev hələ ki, öz mövqeyini təqdim etməyib.

Bu barədə TASS-a mənbə bildirib.

“Hazırda vaxtla bağlı heç bir anlayış yoxdur, hamı gözləyir, Kiyev danışıqlarla bağlı öz mövqeyini bildirməlidir”, - agentliyin mənbəsi deyib.