Ukraynadakı müharibə Moskvanın şərtləri ilə başa çatarsa, Kreml NATO sərhədlərinə, ilk növbədə Finlandiya, Norveç, Polşa və Baltikyanı ölkələrə qoşun yeridə bilər.

Axar.az xəbər verir ki, bu barədə “Bild” nəşri mənbələrə istinadən məlumat yayıb.

“Moskva artıq qoşunların köçürülməsi üçün infrastrukturu hazırlayıb, irimiqyaslı “Qərb-2025” təlimlərindən ordunun Belarusa yeridilməsi və AB sərhədlərinə yaxınlaşması məqsədilə pərdə kimi istifadə edə bilər. Rusiya 2021-ci ildə analoji şəkildə Ukrayna sərhədləri yaxınlığında qoşun yerləşdirib. İndi Litva və ya Polşa Kremlin mümkün hədəfinə çevrilə bilər. Müharibə davam edərsə, təlim təlim olaraq qalacaq. Ancaq atəşkəs Rusiyanın şərtlərinə uyğun gələrsə, onlar yeni müharibənin başlanğıcı ola bilər, bu dəfə bizə qarşı”, - mənbə bildirib.