İstanbulda 16 mayda əldə olunmuş Rusiya-Ukrayna razılaşmalarına əsasən əsir mübadiləsi davam edib.

Axar.az xəbər verir ki, bu barədə məlumatı Rusiya Müdafiə Nazirliyi yayıb.

Qeyd olunub ki, Kiyev 307 rus hərbi qulluqçusunu geri qaytarıb. Əvəzində 307 ukraynalı hərbi əsir qarşı tərəfə təhvil verilib.

“Hazırda rus hərbi qulluqçular Belarus Respublikasının ərazisindədir və onlara zəruri psixoloji və tibbi yardım göstərilir. Bütün rus hərbi qulluqçular müalicə və reabilitasiya məqsədilə Rusiya Müdafiə Nazirliyinin tibb müəssisələrinə çatdırılacaq. Mübadilə prosesi davam etdiriləcək”, - açıqlamada vurğulanıb.

Qeyd edək ki, ötən gün 390 əsir (270-i hərbi, 120-si mülki) mübadilə edilmişdi.