Makronun şillələnməsini əks etdirən video yalnız Rusiya mediası tərəfindən yayılsaydı, Fransa hökuməti şübhəsiz ki, Rusiyanı yalan danışmaqda ittiham edərdi.

Axar.az xəbər verir ki, bu barədə Fransanın Vətənpərvərlər Partiyasının lideri Florian Filippo X mikrobloqunda yazıb.

“Əgər RT Bricitin sillə vurmasını lentə alan yeganə media orqanı olsaydı, Makron və bütün Fransa mediası ruslar tərəfindən yayılan saxta video haqqında qışqırardılar”, - deyə siyasətçi yekunlaşdırıb.

Milli Birlik Partiyasının sədr müavini Jan-Filipp Tangi də analoji reaksiya göstərərək, Yelisey sarayını tənqid edib.

Qeyd edək ki, Vyetnama səfəri zamanı qapısı açılan təyyarədə Bricitin Makrona şillə vurduğu görünür. Makron isə mediaya açıqlamasında bunu “zarafat” adlandırıb.