12:02

Moskva İrəvan və Bakı arasında sülh müqaviləsinin imzalanmasına hərtərəfli dəstək verməyə hazırdır.

Axar.az xəbər verir ki, bunu Rusiya müdafiə naziri Andrey Belousov Bişkekdə keçirilən Kollektiv Təhlükəsizlik Müqaviləsi Təşkilatının (KTMT) müdafiə nazirləri şurasının iclasında səsləndirib.

Nazir qeyd edib ki, hazırda Cənubi Qafqazda regiondankənar dövlətlərin fəallığı artıb, xüsusilə Zəngəzur ətrafında gərginlik davam edir.

“Regiondankənar ölkələrin məqsədi təhlükəsizliyin möhkəmləndirilməsi deyil, Cənubi Qafqazda təsir dairəsini genişləndirməkdir”, - Belousov vurğulayıb.

O, Ermənistan və Azərbaycan arasında münasibətlərin hələ də tam tənzimlənməməsinin narahatlıq doğurduğunu bildirib:

“Moskva bu məsələnin dinc yolla həllində maraqlıdır və sülh sazişinin imzalanması üçün hər cür dəstək göstərməyə hazırdır”.