Rusiya Prezidenti Vladimir Putinlə görüşdə mayın 16-da İstanbulda Ukrayna üzrə danışıqlar prosesinə Moskvanın reaksiyasını dinləyib, Ankaranın mövqeyini çatdırdım.

Axar.az xəbər verir ki, bu barədə Türkiyənin xarici işlər naziri Hakan Fidan deyib.

“Görüş çox isti atmosferdə keçdi. Əsasən Ukrayna ilə bağlı görüşlərdən danışdıq. “Akkuyu” atom elektrik stansiyasından, Türkiyə ilə Rusiya arasındakı əlaqələrdən, “Qazprom”la hazırkı “Botaş” prosesindən danışdıq. İstanbuldakı danışıqlardan sonra bəzi fikirlərimiz oldu, onları çatdırdım, reaksiyalarını aldım ki, Kiyevə gedəndə məhsuldar səfərim olsun”, - o bildirib.

Qeyd edək ki, Türkiyə xarici işlər naziri Hakan Fidan mayın 25-27-də Moskvada səfərdə olub.