Moskvanın mərkəzindəki Yaroslavski dəmir yolu vağzalında çeçen hüquq-mühafizə orqanlarının əməkdaşları tərəfindən saxlanılan erməni Areq Samveloviç Şepixinə qarşı ekstremist fəaliyyətə çağırışlara görə cinayət işi açılıb.

Axar.az xəbər verir ki, bu barədə Rusiya İstintaq Komitəsindən məlumat verilib.

“Onun barəsində yaxın vaxtlarda həbs qətimkan tədbiri seçiləcək. Həmçinin cinayət işi çərçivəsində 6 nəfərə qarşı ittiham irəli sürülüb”, - məlumatda qeyd olunub.

Qeyd edək ki, iyunun 3-də Moskvanın mərkəzindəki Yaroslavski dəmir yolu vağzalında erməni Areq Samveloviç Şepixin çeçen hüquq-mühafizə orqanlarının əməkdaşları tərəfindən saxlanılmışdı. O, islam dininə və çeçenlərə qarşı təhqir və söyüş videoları ilə tanınır.