Rusiya Federasiya Şurasının sədri Valentina Matviyenkonın başçılıq etdiyi nümayəndə heyəti İrəvanda rəsmi səfərdədir.

Axar.az xəbər verir ki, bu barədə parlamentin yuxarı palatasının mətbuat xidməti məlumat yayıb.

"Səfər proqramında Matviyenkonun ölkə rəhbərliyi ilə görüşləri nəzərdə tutulub. Xüsusilə parlamentin sədri Alen Simonyanla söhbət planlaşdırılır", - məlumatda bildirilib.

Qeyd olunub ki, Matviyenko və Simonyan həmçinin Rusiya və Ermənistan arasında parlamentlərarası əməkdaşlıq komissiyasının 39-cu iclasını açacaqlar.

Matviyenko 10-cu Rusiya-Ermənistan regionlararası forumunda da iştirak edəcək.