Rusiyanın Ukraynaya gecə saatlarında endirdiyi raket zərbəsi və dron hücumu Ukraynanın düşmən təyyarələrinin məhv edilməsi ilə nəticələnən uğurlu "Hörümçək toru" əməliyyatına verilmiş cavabdır.

Axar.az xəbər verir ki, bunu Rusiya-Ukrayna müharibəsinin veteranı, "Aydar" batalyonunun sabiq rota komandiri Yevgeni Dikiy bildirib.

O, bu hücumun Rusiyanın cavab reaksiyası olduğunu qeyd edib.

Dikiy eyni zamanda xəbərdarlıq edib ki, Ukrayna Rusiya təbliğatının və ABŞ Prezidenti Donald Trampın yaratmağa çalışdığı tələyə düşməməlidir.

Onun sözlərinə görə, Rusiya bu hücumları guya məcburi və cavab xarakterli kimi göstərməyə çalışır, halbuki Ukrayna sadəcə müdafiə olunur və sağ qalmağa çalışır.

Ekspert qeyd edib ki, Rusiyanın bu hücumları Ukraynanın sülh təşəbbüslərindən sonra da baş verib və bu, Moskvanın məqsədli şəkildə müstəqil Ukraynanı məhv etməyə çalışdığını göstərir.