Fransa Prezidenti Emmanuel Makron və iranlı həmkarı Məsud Pezeşkian arasında telefon danışığı baş tutub.

Axar.az xəbər verir ki, bu barədə E.Makron özünün X hesabında məlumat yayıb.

“İran prezidenti mənə zəng etdi. Mən ondan Sesil Kohler və Jak Parisin (İranda həbsdə olan Fransa vətəndaşları – red.) azad olunmasını tələb etdim. Biz onların Fransaya qayıtmasını gözləyirik", - Makron əlavə edib.

Fransa prezidenti bildirib ki, telefon danışığı zamanı İranın nüvə proqramı ilə bağlı dərin narahatlığını da ifadə edib:

"Məqsədlərinin dinc olduğunu sübut etmək İranın öhdəliyindədir. Mən əminəm ki, müharibəni dayandırmaq üçün yol var. Buna görə də biz avropalı tərəfdaşlarımızla birlikdə İranla danışıqlarımızı sürətləndirəcəyik”.