Yaponiyada 2022-ci ildən bəri ilk dəfə ölüm hökmü icra edilib.

Axar.az xəbər verir ki, bu barədə Yaponiya ictimai televiziyasının məlumatında qeyd olunub.

Bu, eyni zamanda Baş nazir Siqeru İsibanın hökumətində ədliyyə naziri tərəfindən icrasına göstəriş verilən ilk ölüm hökmüdür. Yaponiyada ölüm cəzası asma yolu ilə həyata keçirilir.

Edam olunan yerli sakin 2021-ci ildə doqquz nəfəri qətlə yetirdiyinə görə ən ağır cəzaya - ölüm hökmünə məhkum edilmişdi.

34 yaşlı Takaxiro Şiraisi intihara meyilli yeniyetmə və gəncləri sosial şəbəkələr vasitəsilə aldadaraq evinə gətirir və orada onları öldürürdü.

Məlumata görə, müharibədən sonrakı dövrdə Yaponiyada ümumilikdə 105 cinayətkara qarşı ölüm hökmü icra olunub.